ဆောင်းပါး မောင်မောင်ဝမ်း
မြန်မာပြည် န၀တ-နအဖ စစ်အာဏာရှင် လက်အောက်မှာ ကျနော် ထောင်နှစ်ကြိမ်ကျဖူးတယ်။ ပထမအကြိမ်က ၁၉၈၉မှာ။ စုစုပေါင်း ၅ နှစ်ကျပြီး ၁၉၉၄ ထဲမှာ သရက်အကျဉ်းထောင်က ပြန်လွတ်ခဲ့တယ်။ဒုတိယအကြိမ် ထောင်ကျတာ ၁၉၉၆ မေလ ထဲမှာ။ကျတော့်ကို ၁၉၉၆ မေလ ထဲမှာ အင်းစိန်ထောင်တွင်းက အထူးတရားရုံးကနေ ထောင် ၁၀ နှစ်ချလိုက်တယ်။အမှု့ကတော့ ပုဒ်မ ၅ (ည) ရယ်၊ တရားမ၀င်ကျောင်းသားသမဂ္ဂဖွဲ့စည်းတည်ထောင်မှုရယ်။
ကျတော် အခု ဒုတိယအကြိမ် ထောင်ကျတာ တော်တော်ကံကောင်းတယ်ပြောရမလား မသိဘူး။ ဘာဖြစ်လို့လဲ ဆိုတော့ အင်မတန်မှ ဆိုးရွားလှပါတယ် ဆိုတဲ့ စစ်ကြောရေးစခန်း ၀င်စရာမလိုဘဲ၊ ဖမ်းပြီး ချက်ခြင်းဆိုသလို အထူးတရားရုံးတင် ချက်ခြင်းထောင်ချ ခံခဲ့ရလို့ပါ။ အထူးတရားရုံးတင်တော့ ကိုယ့်ကိုယ်ကိုယ် ဘာအမှု့နဲ့တရားစွဲခံရမှန်းတောင်မသိဘူး။ နောက် တရားသူကြီးက စာဖတ်ပြမှ အော် ..ဒီအမှု့တွေနဲ့စွဲတာပါ့လား။ဆိုတာ သိရတော့တယ်။ ထောင်ကျပြီးသွားတော့ အင်းစိန်တွဲဘက်ထောင် မှာနေရတယ်။
အဲဒီလိုနဲ့ တစ်နှစ်လောက်နေအပြီးမှာတော့ ထောင်ပြောင်းရွှေ့ခံခဲ့ရတယ်။ အဲဒီနေ့က အဖြစ်အပျက်တွေမှတ်မိနေသေးတယ်။ ညဘက်ကထဲက ထောင်ပြောင်းရှိတယ်ကြားလို့ ( ကျတော်ပါတယ်လို့လည်းသတင်းက ရထားတော့ ) ကြိုပြင်ထားတယ် ။ ဒီလိုနဲ့ မနက် ၃နာရီလောက်ရှိမယ်ထင်တယ်။ ထောင်ဝန်ထမ်းတွေ ရောက်လာပြီး ထောင်ပြောင်းပါတဲ့သူတွေ အခန်းတွေကို လိုက်နှိုးသံတွေကြားရတော့တာပဲ။ တချို့ခမျာလည်း သူတို့မပါလောက်ဘူး ထင်ကာ အေးအေးဆေးနေနေရာက အပြောင်းအရွှေ့ နာမည်လည်း ပါလာရော ကသီလင်တ နဲ့ တွေ့တဲ့ပစ္စည်းတွေ ကောက်ထည့် လိုက်ခဲ့ရတော့တာပေါ့။ အခန်းထဲက ထွက်ထွက်ခြင်းပဲ ကျတော်တို့ကို ခေါင်းစွပ်တွေ အုပ်ပြီး ထောင်ထဲက ကွက်လပ်တစ်ခုမှာ စုထိုင်ခိုင်းထားတယ်။ တစ်ယောက်ချင်း နာမည်ခေါ် ၊ စစ်ပေါ့ ။
” ပိုက်တင် -အဖေနံမည် =“ဦးလှဘော်”
-------ရှိ ----------------------------
ထောင်ကျ နံပါတ်ပြော--------
၁၄၈၇ /စီ -----------------
--------------------------------------------------------
ကျော်ခင်-------------
သန့်ဇင် ---------------
တစ်ယောက်ချင်းစီ နာမည်ခေါ် မေး ။ ကျတော်တို့ကို ခေါင်းစွပ်တွေ စွပ်ထားတော့ ဘာမှမမြင်ရဘူး။ ဘယ်သူတွေပါမှန်း နာမည်တွေ ခေါ်သံကြားမှ သိတော့တယ်။ ဒီလိုနဲ့ ထောင်မှုးတစ်ယောက်ရဲ့ ခပ်ငေါက်ငေါက် အသံက ဟိန်းထွက်လာတယ်။
ဟေ့ ..မင်းတို့ထဲမှာ ကျော်စိန် ခေါ် မှတ်ကြီး ( အဖေနာမည် - ဦးစံမြ ) ပါလား ---
တစ်ယောက်ဆီကမှ အသံထွက်မလာ ။ ဒါနဲ့ အဲဒီလူကို ထောင်ဝင်ထမ်းတွေ တခါ သွားရှာပုံရတယ် ။ ခဏလေးကြာတော့-
ဆရာ --ခေါ်ထုတ်တဲ့ အထဲမှာ ပါသွားပြီ ။ အခုဒီအုပ်စုထဲမှာပဲ။
ထောင်မှုး စိတ်တိုသွားပုံရတယ် ။(--ီး)မှပဲ ကိုယ့်နာမည်တောင် ကိုယ်မသိဘူးလားကွ ---- ဘယ်ကောင်လဲ ကျော်စိန်ခေါ် မှတ်ကြီး။
ကျတော်တို့အုပ်စုဆီက တစ်ယောက်မှ အသံထွက်မလာဘူး။ ဒါနဲ့ ထောင်မှုးလည်း နောက်တစ်ခေါက် နာမည်တွေထပ်ခေါ်ပြီး၊ နာမည် အခေါ်ခံရတဲ့သူတွေက မတ်တပ်ရပ် နေပေးရတယ်။ တစ်ယောက်ပြီး တစ်ယောက် တန်းစီခေါ်ပေါ့ ။ နောက် တော့...
ဟေ့ကောင် ---မင်းနာမည်ဘယ်သူလဲ။
မှတ် --မှတ်--မှတ်ကြီးပါ....ထစ်ထစ်ငေါ့ငေါ့ ကတုန်ကရင် အသံတစ်ခုထွက်လာတယ်။
ကိုယ့်နာမည်တောင် ကိုယ်မသိဘူးလားကွ ..မအေ (--ိုး)ရ ဆိုပြီး ဆောင့်ကန်သံကြားလိုက်ရပြီး..
အား--အား ကြောက်ပါတယ်ဗျ --ကြောက်ပါတယ် ..ဆိုတဲ့ အသံကြီးက မနက်ခင်း အရုဏ်ထုကို ဖြိုခွဲပစ်လိုက်တယ်။ ကျတော် စိတ်တိုလိုက်တာ မပြောပါနဲ့တော့ ။ ဒီလူကလည်း ဘယ်လိုလူစားလည်းမသိဘူး။ နာမည် အထပ်ထပ်ခေါ်တာတောင် ကိုယ့်နာမည် ကိုယ်မသိရအောင် စိတ်မှ မှန်ရဲ့ လားလို့ စိတ်ထဲတွေးမိလိုက်တယ် ။မအေ နှမ မိုးမွှန်အောင် ဆဲသံတွေကလည်း စုံနေတာပဲ။
ပြီးလည်းသွားရော ကျတော်တို့အားလုံး တစ်ယောက်နောက်ကို တစ်ယောက်က ကိုင်ရင်း တန်းစီပြီး ထွက်ခိုင်း။ နောက် ထောင်ရှေ့မှာ ရပ်ထားတဲ့ ကားပေါ်တင်ပြီး အင်းစိန်ထောင်မကြီးဆီ ပို့တယ်။ အင်းစိန်ထောင်မကြီးရောက်တော့ ကျတော်တို့ကို တစ်ယောက်ချင်းစီ သံခြေကျဉ်းတွေခပ်တယ်။ ဒီကြားထဲ သံခြေကျဉ်း ရိုက်ရတာ အဆင်မပြေလို့ဆိုပြီး စောစောက ကိုမှတ်ကြီး ခေါ် ကိုကျော်စိန်ဆိုတဲ့သူကို ဆဲသံတွေက ထပ်ပေါ်လာပြန်ရော။ ကျတော် တော်တော်စိတ်ညစ်သွားတယ်။ ဒီလူကြည့်ရတာ တမျိုးပဲ။ ဘာမှု့နဲ့များ ပါလာတာလည်းမသိဘူး။ ကျတော့်စိတ်ထဲမတော့ ရာဇ၀တ်သားတွေကို ကျတော်တို့ နိုင်ငံရေးအကျဉ်းသားတွေနဲ့ ထောင်ပြောင်းထည့်ခြင်းအပေါ် အတော် မကျေမနပ်ဖြစ်နေမိတယ်။
အဲဒီအသုတ် ထောင်ပြောင်းတုန်းက ကိုယ့်လိုလူတွေ တော်တော်များတယ်။ ထောင်ပြောင်းမှပဲ မတွေ့တာကြာပြီဖြစ်တဲ့ ကိုယ့်လူတွေကို တွေ့ရတော့တယ်။ ကျတော်တို့ကို အင်းစိန်ထောင်ကနေ အင်းစိန်ဘူတာကို ပို့။ အားလုံးကို အချုပ်တွဲပေါ်မှာတင်ပြီး အဲဒီတွဲကို အင်းစိန်ဘူတာကနေ လူနည်းနည်း ပါးတဲ့နေရာထိ ဆွဲသွားပြီး အဲဒီမှာပဲ မထွက်မချင်း ရပ်ထားတယ်။ ကျတော်ကတော့ ထောင်ပြောင်းခံရခြင်းအပေါ် စိတ်ထဲကပျောက်သွားပြီး -ရထားပေါ်မှာ နှစ်များစွာ ကွဲကွာနေတဲ့ ကိုယ့်ရဲဘော်တွေနဲ့ စကားတွေ ပြောမကုန် ဆိုမခမ်းပေါ့။
အင်းစိန်ထောင်ထဲမှာ တစ်ထောင်ထဲသာ အတူတူနေရပေမယ့် တစ်ယောက်နဲ့တစ်ယောက် တွေ့ရတာမဟုတ်ဘူးလေ။ ကျတော်တို့ အုပ်စုကြီး ထောင်ပြောင်းတာဟာ ထောင်ပြောင်းတာနဲ့မတူဘဲ -ပျော်ပွဲစားခရီး ထွက်လာသလိုပဲ ရထားပေါ်မှာ သီချင်းတွေဆိုကြ၊စကားတွေပြောကြ၊ မတွေ့တာမမြင်ရတာကြာပြီဖြစ်တဲ့ ပြင်ပမြင်ကွင်းတွေကို အားပါးတရ ကြည့်ရနဲ့ ပြန်စဉ်းစားရင် အမှတ်တရ အဖြစ်အပျက်တွေပါ။
တောင်ငူရောက်တော့ တောင်ငူထောင်ပြောင်းရမယ့် သူတွေ ချထားခဲ့တယ်။ နောက် တစ်နေ့ရောက်တော့ မန္တလေးဘူတာရောက်တယ်။ မန္တလေးဘူတာမှာတော့ မြင်ကွင်းက မကောင်းဘူး။ ကျတော်တို့ကို လုံထိန်းရဲတပ်ရင်းက ရဲတွေနဲ့ဝိုင်းထားတယ်။ ဘူတာတစ်ဘက်မှာ အချုပ်ကားရပ်ထားတယ် ။ ဘူတာကနေ အဲဒီအချုပ်ကားရောက်သည်အထိ တစ်ဘက်တစ်ချက်မှာ ရဲတွေက သေနတ်တွေကို အသင့်အနေအထားနဲ့ကိုင်ထားရင်း ကျတော်တို့က အလယ်ကနေ လျှောက်သွားရတာပေါ့ ၊ အရာရှိလုပ်တဲ့သူကဆို ပစ္စတိုသေနတ် တရမ်းရမ်းနဲ့ ။ ဟိုအမိန့်ပေးလိုက် ဒီအမိန့်ပေးလိုက်နဲ့။ ပုံမှန်ဆို လူထုက သိမှာမဟုတ်ပါဘူး ။ အဲသလိုလုပ်လိုက်ခါမှ လူတွေက စိတ်ဝင်စားသွားပုံရတယ်။ ၀ိုင်းလာပြီး စပ်စုကြတယ်။ ကျတော်က “ ကျတော်တို့ ကျောင်းသားတွေနဲ့ နိုင်ငံရေးအကျဉ်းသားတွေပါလို့ ” ပြောလိုက်တော့ အရာရှိလုပ်တဲ့သူက လာတဲ့ပြီး ဟိန်းလိုက်ဟောက်လိုက်တာ မပြောပါနဲ့တော့။ လူတွေက တစ်စတစ်စ စိတ်ဝင်စားပြီးများလာတော့ ကျတော်တို့ကို ဇွတ်အတင်း အချုပ်ကားပေါ်တင်ပြီး မောင်းထွက်ခိုင်းတော့တာပဲ။
နောက်တော့ မန္တလေး ထောင်အသစ်ကို ရောက်တယ်။ ကျတော်တို့ပါလာတဲ့ ပစ္စည်းတွေကို စစ်ဆေးပြီး စားစရာတောင်ချန်မထားဘူး ။ အကုန်သိမ်းပစ်လိုက်တယ်။ ကျတော်တို့အားလုံး ဒေါသတွေထွက်လိုက်တာ မပြောပါနဲ့တော့။ ဦးဝင်းထိန် ( NLD ပါတီက ဗိုလ်ကြီးဟောင်းဝင်းထိန် )နဲ့ဆို စကားများတဲ့ အထိဖြစ်ကြတယ်။ အစက ကျတော်တို့ကို ဘယ်ထောင်ပို့လို့  ပို့မှန်းမသိဘူး ။ မန္တလေးထောင်ရောက်မှ ကျတော်တို့ ခရီးဆက်ရဦးမယ်။ ဦးဝင်းထိန်အပါဝင် တစ်အုပ်စုကို မြင်းခြံထောင် နဲ့ ကျတော်တို့ကို မြစ်ကြီးနားထောင်ပို့မယ်ဆိုတာ အဲဒီအခါကြမှသိရတော့တယ်။
ကျတော်တို့ကို နောက်၂ရက်လောက်အကြာမှာ မန္တလေးထောင်ကနေ မြစ်ကြီးနားထောင်ကိုပို့တယ်။ အဲဒီခရီးစဉ်မှာ ဘယ်တော့မှ မမေ့နိုင်တဲ့ ပုံရိပ်လေးတွေ နှလုံးသားထဲမှာ ထင်ကျန်ရစ်စဲပါ။
ကျတော်တို့ ထောင်ပြောင်းတယ်ဆိုတဲ့သတင်းကို ဒေါက်တာဇော်မြင့်မောင်က ( အမရပူရ NLD လွှတ်တော်ကိုယ်စားလှယ်)သူ့ရဲ့မိသားစုဆီကို ထောင်ထဲကနေ လျှို့ဝှက်သတင်းပို့လိုက်တော့ -သူ့မိသားစုတွေက ဘူတာကနေ စောင့်နေတယ် ။ ဒါပေမယ့် ပါလာတဲ့ လုံခြုံရေး အရာရှိက မိသားစုတွေနဲ့ တွေ့ခွင့်ကောင်းကောင်းမပေးလို့ အဆင်မပြေဖြစ်ခဲ့ရတယ်။ ကျတော်တို့ အချုပ်တွဲကို ဘူတာနဲ့ ခပ်ဝေးဝေးဆီ ပို့ထားလိုက်တယ်။နောက်ရထားထွက်လာတော့ ဒေါက်တာဇော်မြင့်မောင် မိန်းမက သူ့အစ်ကိုနဲ့ ဆိုင်ကယ်စီး လိုက်လာတယ်။ သူ့အစ်ကိုက ရှေ့က ဆိုင်ကယ်မောင်း- သူက နောက်က တင်ပါးလွှဲထိုင်လိုက်လာရင်း သာမန်ဆို သိပ်အထူးအဆန်းကြီး မဟုတ်ပါဘူး ဒါပေမယ့် ဖြစ်ချင်တော့ စစ်ကိုင်းတံတားကြီးပေါ်မှာ နောက်မှာစစ်ကိုင်းတောင်ကြီးက မို့မို့ ။ စေတီပုထိုးတွေက ကြည်ညိုစရာမြင်ကွင်း။ ရထားကလည်း တဂျိန်းဂျိန်းနဲ့မောင်း ။စစ်ကိုင်းတံတားပေါ်က ကားလမ်းမှာ ဒေါက်တာဇော်မြင့်မောင် ယောက်ဖ ခမျာ ကျတော်တို့ အချုပ်တွဲပြတင်းပေါက်နဲ့ မယှဉ် ယှဉ်မိအောင် ဆိုင်ကယ်ကို မောင်းရင်း ဇနီးမောင်နှံကို တွေ့ပေးရတယ်။စကားလည်း သိပ် သဲသဲကွဲကွဲ ပြောမရပါဘူး။ စစ်ကိုင်းရွာထောင်ဘူတာမှာ နာရီဝက်လောက် နားမယ်လို့ကြားတယ် ။ အဲဒီကနေ စောင့်ပေးပါ ဆိုပြီး အော်ပြောရတယ်။ တကယ့်ရုပ်ရှင်ထဲက မြင်ကွင်းထက်တောင်ပိုတယ်လို့ ပြောချင်တယ်။ စစ်ကိုင်းရွာထောင်မှာ မိသားစုတွေနဲ့ နာရီဝက်လောက် တွေ့ခွင့်ရလိုက်ပါတယ်။
ရွှေဘိုဘူတာရောက်တော့ ရထားပေါ်က လုံခြုံရေးတွေက အကြံအဖန်လုပ်တယ်။ ဘူတာကတက်လာတဲ့ ခရီးသည်အချို့ကို ပုံမှန်ရထားခ ထက် လျှော့ပြီး ကျတော်တို့အချုပ်တွဲပေါ်က စင်္ကြန်ပတ်လမ်းပေါ်မှာ တင်ခေါ်လာတယ်။ အဲဒီတော့လည်း ကျတော်တို့အတွက်စကားပြောဖော်တွေရလာတာပေါ့။ ကျတော်တို့က အချုပ်ခန်းထဲမှာ သူတို့ကအပြင်က။ အချိန်ကာလ သိပ်မကြာခင်မှာပဲ အမျိုးသမီးတစ်ယောက်နဲ့ ကျတော်တို့ထဲက ကိုပိုက်တင်ဆိုသူနဲ့ အဖွဲ့ကျသွားတယ်။ ကျတော်တို့ကို နိုင်ငံရေးအကျဉ်းသားတွေဆိုတာ သိသွားတယ်။ သူက ကျောင်းဆရာမ ( ကျတော်နံမည်မေ့သွားတာခွင့်လွှတ်ပါ။ ) ကျောင်းအားရက်မှာ လယ်ယာသုံးပစ္စည်းအချို့ကို ရွှေဘိုကနေ မြစ်ကြီးနား တက်ရောင်းပြီး အပိုဝင်ငွေရှာနေရတာ။ ကျတော်တို့ကို လမ်းတလျှောက်ကူညီလိုက်တာ မြတ်မယ့်ငွေ ကုန်တဲ့အပြင် အိတ်ထဲကပါ ပါသွားရှာတယ်။ ဒီလို ပြည်သူတွေကိုလည်း တွေ့ခဲ့ရပါတယ်။
မြစ်ကြီးနားထောင်ရောက်တော့ တော်တော်မှောင်နေပြီ၊ ကျတော်တို့ကို ဆောက်ပြီးလို့ သိပ်မကြာသေးတဲ့ တိုက်အသစ်မှာ ထားတယ်။ ရင်ခွဲတိုက်သေးသေးလေး။မျက်နှာချင်းဆိုင် စုစုပေါင်း ၁၀ ခန်းရှိတယ်။ မြစ်ကြီးနားထောင်မှာ လူရွှင်တော် ကိုပါပါလေးတို့ အုပ်စုက ကျတော်တို့ထက် အစောပိုင်းကတည်းက ရောက်နေပြီးသား။ အဲဒီအချိန်က နိုင်ငံရေးအကျဉ်းသားဆိုလို့ စုစုပေါင်း ၁၇ ဦးလောက်ပဲရှိမယ်ထင်တယ်။ မြစ်ကြီးနားထောင်မှာ အဆိုးရွားဆုံး ကြုံတွေ့ရတဲ့ ပြဿနာကတော့ ထောင်ဝင်စာ အခက်အခဲပါပဲ။ ခရီးက အရမ်းဝေးလွန်းတော့ တော်ရုံ မလာနိုင်ကြဘူး။ အဲဒီတော့ ကျတော်တို့မှာ အစားအသောက် အရမ်းခက်ခဲတယ်။ တော်တော်အခက်ခဲနဲ့ကို ရင်ဆိုင်ခဲ့ရတာပါ။
ကျတော်တို့နဲ့အတူ မြစ်ကြီးနားထောင်ကို ကိုမှတ်ကြီး (ခေါ်) ကိုကျော်စိန်ဆိုသူပါ ပါလာခဲ့တယ်လေ။ အစက သူ့ကို ကျတော်ထင်တာ တခြားရာဇ၀တ်မှု့လို့ ထင်ခဲ့တာ ။ နောက်မှ သိလာခဲ့ရတာ သူလည်း ကျတော်တို့လို ပုဒ်မ ၅ (ည)ပဲဗျ။ နိုင်ငံရေးနဲ့ပတ်သက်တဲ့ ၅(ည)။ ( အထူးပြုပြီးပြောရတာက တခြား နိုင်ငံရေးမဟုတ်တဲ့ ပုဒ်မ ၅(ည)ဆိုတာရှိသေးတယ်- ဒါကြောင့်ခွဲပြောရတာ။)၊ သူက ရန်ကုန်၊ စမ်းချောင်း၊ မုန့်လက်ဆောင်ကုန်းဆိုတာမှာ နေတယ်။ မိဘတွေ မရှိတော့ဘူး။ ဘယ်လိုပြောရမလဲ။ သူ့ပုံစံက တမျိုးပဲ ။ လုံးလုံး စိတ်ရောဂါလည်း မဟုတ် ၊ လုံးလုံး လွတ်နေတာလည်း မဟုတ်။ ( နည်းနည်းတော့ ရှိပုံရတယ်။) ဒါပေမယ့် သူက အေးအေးဆေးဆေးသမား။ အပြင်မှာ အရက်အရမ်းသောက်တယ်လို့ပြောတယ်။ အခုထောင်ကျတဲ့ကိစ္စကလည်း အမူးလွန်ပြီး ထောင်ကျလာတာ။ ဖြစ်ပုံက ဒီလို ။ စမ်းချောင်းမှာ ၉၆ ကျောင်းသားလှုပ်ရှားမှု့အပြီး လိုက်ဖမ်းတယ် ။ ဒီလို လိုက်ဖမ်းနေတဲ့အချိန်မှာ လူထုက ရဲတွေ စစ်သားတွေကို ရရာလက်နက်(လောက်လေးတို့ ဂျင်ဂလိတို့ )နဲ့ ချောင်းမြောင်းခုခံကြလို့ -တွေ့ရာလူကို မုန်းတီး မှုနဲ့ အဓမ္မဖမ်းဆီးနေတဲ့အချိန်ပေါ့ ။ အဲဒီအချိန်မှာ ကိုကျော်စိန်က အရက်မူးပြီး လမ်းဘေးအိပ်ပျော်နေတုန်း ကားပေါ်ပစ်တင် ဖမ်းခေါ်ခံခဲ့ရတာပါပဲ။ ( တရားခံ ရှာတဲ့ သဘောပေါ့ ) ။ နောက်တော့ စစ်ကြောရေးစခန်း ခေါ်သွားပြီး စစ်တယ်..တဲ့။ သူပြောပြလို့သိရတာပါ။ နိုင်ငံရေး လုပ်လားလို့ မေးတော့ -မလုပ်ဘူးလို့ ဖြေတိုင်း သူ့ကို ရိုက်တော့တာပဲ တဲ့။ (တကယ်တော့ သူ့ ခမျာ နိုင်ငံရေးဆိုတာကို ဘာမှန်းမသိတာပါ။) ပါတီဝင်ဖြစ်ခဲ့လားလို့မေးတော့ သူ ဘာသိမှာလဲ။ မဟုတ်ပါဘူး။ ဖြေလိုက် ..အရိုက်ခံရလိုက်နဲ့။ နောက်တော့ ကြောက်လာတယ် ။ လုံထိန်းတွေကိုိ ခဲနဲ့ပေါက်တဲ့ထဲ သူပါ ပါတယ်ဆို စွပ်စွဲတယ် ။ဘယ်သူပါသေးလဲ ဆိုပြီး ဆက် စစ်တော့ သူက အရိုက်ခံရမှာကြောက်တာနဲ့ ( တကယ်ဆို စစ်ကြောတဲ့လူတွေ သိသိကြီးနဲ့ တရားခံရှာချင်လို့ လုပ်ကြံတာပါ ။) သူ့ယောက်ဖ ( အေးမြင့် ) လည်းပါ ပါတယ်ဆို ပြောလိုက်တယ်။
အေးမြင့်ပါ အဖမ်းခံရပြီး ထောင် (၇)နှစ်ဆီ ချလိုက်တယ်။ အေးမြင့်ဆို ဘာမှန်းကို မသိဘဲ ထောင်ကျလာတာ။ ကိုကျော်စိန်နဲ့ ထောင်ပြောင်းရထားပေါ်မှာ တွေ့တော့ စကားတွေများကြရော။ ကိုကျော်စိန်က “ ငါလည်း ထပ်အရိုက်ခံရမှာ ကြောက်တာနဲ့ မင်းနာမည်ပြောလိုက်တာတဲ့ ” ။ တကယ်တော့ အေးမြင့်က ကိုကျော်စိန်တို့ မိသားစုကို ဒိုင်ခံစီးပွားရှာပေးနေသူတစ်ယောက်ပါ။ သူပါ ထောင်ချခံလိုက်ရတော့ မိသားစုဝင်များခမျာ အရမ်းဒုက္ခရောက်သွားရှာတာပေါ့။ အေးမြင့်က ငိုသံပါကြီးနဲ့ "ကျော်စိန်ရာ ..ငါ့ကိုမှ ကွက်သတိရ ရသလားကွာ ..တဲ့။"
ထောင်ထဲမှာ နိုင်ငံရေးနှစ်ပတ်လည် အခမ်းအနားတွေလုပ်ပြီဆို အများနည်းတူ ကိုကျော်စိန်က ပါဝင်လေ့ရှိတယ်။( ခံယူချက်-ယုံကြည်ချက် ဆိုတာ နားမလည်ပါဘူး။အများနဲ့ အလိုက်သင့်တော့ နေတတ်တယ်)။ ထောင်ထဲမှာ နေသွားတဲ့ ကာလ တလျှောက်လုံး သူ့ကိုကြည့်ရတာ ဘာအပူမှ မရှိဘူး။ စကားလည်း သိပ်မပြောဘူး။ သူ့ဘ၀က ဆေးလိပ်တစ်တိုရှိရင် ပြည့်စုံနေတာပဲ။ ဆေးလိပ်ပြတ်သွားပြီ ဆိုရင်တော့ အသည်းအသန်လိုက်ရှာတတ်တယ်။ တစ်နေ့ အခမ်းအနားတစ်ခုအပြီးမှာ ကျတော်က နောက်ပြီး ကိုကျော်စိန်ကို စကားပြောခိုင်းတယ်။ သူ့အသံဝါကြီးနဲ့ ထတဲ့ပြီး.. သူ့တိုက်ခန်းထဲက လှမ်းအော်ပြောလိုက်တယ်။ “ကျတော်လည်း ဒီနေ့ကစပြီး သန်းငွေကို အပြင်းအထန် တော်လှန်တော့မယ်.. ဒါပါပဲ..တဲ့ ။” .. “ ကိုကျော်စိန် ..သန်းငွေဆိုတာ ဘယ်သူလဲ “ လို့ ကျတော်က မေးလိုက်တော့ “ မြေနီကုန်းရဲစခန်းက နယ်ထိန်းလေ..“ တဲ့။ ကျတော်တို့ ရီလိုက်ရတာ။
နောက်တော့ ကိုကျော်စိန်ကို နောက်တခါပြစ်မှုထပ်ကျူးလွန်ရင် ကျန်နေတဲ့ ထောင်ကြွေးပြစ်ဒဏ်တွေပါ ထပ်ပေါင်းပြီး ကျခံရမယ်။အခုတော့ လျှော့ရက်နဲ့လွှတ်ပေးတာပါဆိုတဲ့ ခံဝန်ချက် လုပ်ရတဲ့= ပုဒ်မ ၄၀၁ နဲ့ ထောင်က လွှတ်ပေးလိုက်တယ်။ အဲဒီအချိန်မှာ သူထောင်ထဲမှာနေခဲ့တာ ၅နှစ်လောက်တော့ ရှိရော့မယ်။(၇နှစ်ကျတာဆိုတော့ ၂နှစ်လျှော့လွှတ် လိုက်တာပေါ့။) သူ့ကို လွှတ်မယ့်နေ့က ဘာ စိတ်လှုပ်ရှားမှု့မှ မရှိဘူး။ လွှတ်ဖို့ခေါ်သွားခါနီးတောင် ကျတော်တို့ကို ဘာပြောလဲဆိုတော့-“ ကျတော် ထောင်ရှေ့ ခနလိုက်သွားလိုက်ဦးမယ်..တဲ့ ။” ကျတော်က လှမ်းနောက်ပြီး ” ပြီးရင် ပြန်လာမှာလား” ဆိုတော့ ” အခြေအနေ အရပဲ..တဲ့ ။” အဲဒီလို လူပါ။
ကျတော်တို့ တော်လှန်ရေးမှာ ယုံကြည်ချက်ကြောင့် အသက်တောင် ပေးဆပ်သွားတဲ့သူတွေ - ဘ၀တွေ ပေးဆပ်သွားတဲ့သူတွေ အများကြီးပါ။ တစ်ဘက်ကကြည့်မယ်ဆိုရင်လည်း ဖြေသာပါတယ်။ ယုံကြည်မှု့တစ်ခုအတွက် ပေးဆပ်ရမယ်ဆိုတဲ့အတွေးပါ။ သို့သော်လည်း ယုံကြည်ချက်ဆိုတာ ဘာမှန်းမသိ ။ နိုင်ငံရေးဆိုတာ ဘယ်လိုဟာလည်းဆိုတဲ့ ကိုကျော်စိန်တို့လို( စိတ်ပိုင်းဆိုင်ရာ ချို့တဲ့နေတဲ့) လူမျိုးကို နိုင်ငံရေးပုဒ်မကြီးတပ်ပြီး ထောင်နှစ်ရှည်လများ ချလိုက်တာဟာ မစာနာမှု့ တစ်ခုပါ။
ကျတော်တို့ ထောင်ချခံခဲ့ရတယ်ဆိုတာဟာ ကိုယ်လုပ်လို့ကိုယ်ခံရတာ သိပ်ပြီးတော့ မဆန်းပါဘူး။ မှု့လည်း မမှု့ပါဘူး။ စိတ်ပိုင်းဆိုင်ရာချို့တဲ့နေတဲ့သူကို ဘာမှပတ်သက်ခြင်းမရှိဘဲ ထောင်ချရုံသာမက သူ့ပါးစပ်ကထွက်တဲ့ စကားကိုတောင် အတည်မဟုတ်မှန်းသိရက်နဲ့ အတည်ယူပြီး နောက်ထပ်တစ်ယောက် ( ယောက်ဖ အေးမြင့် ) ကိုပါ ထောင်ချတယ်ဆိုတာ တော်တော့်ကို ရက်စက်တဲ့ကိစ္စပါ။
သူတို့အလှည့်ကျရင် အလွန်မှ ကြောက်တတ်ပါတယ်။ နာမည်ကျော် ပန်းချီဆရာမ ချောအိသိန်းက ကျတော့်ကို တခါက ပြောခဲ့ဖူးပါတယ်။ သူနဲ့ ဗိုလ်ချုပ်မှုးကြီးသန်းရွှေ သမီး( အေးအေးသစ်ရွှေ )နဲ့က ရန်ကုန်တက္ကသိုလ် ၊ ဥပဒေမှာ ကျောင်းတက်တုန်းက သူငယ်ချင်းတွေပါ။ ၈၈ဖြစ်တော့ ဦးသန်းရွှေတို့ မိသားစုတွေမှာ လုံခြုံရေးအပြည့်နဲ့ နေ နေတဲ့ အချိန်မှာတောင် “ကြွေးကြော်သံတွေကြားလေ.. ကြောက်လို့ တုန်နေတာပဲ ..“ လို့ အေးအေးသစ်ရွှေက ချောအိသိန်းကို ပြောခဲ့ဖူးပါတယ်။ ဒါကြောင့်လည်း ဒေါသကြီးတတ်သူဟာ အကြောက်လည်း သိပ်ကြီးတတ်တယ် ဆိုတဲ့ ဗုဒ္ဓအဆုံးအမကို သွားအောက်မေ့မိပါတော့တယ်။ အာဏာရှင်တော်တော်များများရဲ့ ဖြစ်စဉ်များကို လေ့လာကြည့်မယ် ဆိုရင် တော်တော်များများဟာ အပြုံးနဲ့ရက်စက်တတ်ပြီး.. အကြောက်တရားနဲ့ ကျဆုံးမှု့ကို ရင်ဆိုင်လေ့ရှိတယ်ဆိုတာ သိရပါတယ်။
0 comments:
Post a Comment